Elton (Jose Xavier Gomes) është një nga futbollistët profesionist më të shkurtë në botë. 154 cm i gjatë, ai luan në rolin e mesfushorit me tipare sulmuese, pavarësisht se ka hasur shpesh herë vështirësi në ekipet e moshave sepse ishte më i shkurtër se shokët e ekipit. Karrierën e ka nisur në një ekip shumë të njohur në Brazil, Corinthias, atje ku kanë dalë futbollistë me emër si Carlos Tevez. Me një talent natyral, Elton ja doli jo vetëm që të fitonte një vend në formacion, por edhe që ta krahasonin me Maradonën duke i vendosur epitetin “Elton Maradinha”. Në moshën 21 vjeç u transferua te Steua e Bukureshtit, por atje luajti vetëm në 8 ndeshje pa mundur që të tregojë talentin e tij. Në vitin 2007 firmosi për Al-Nassr, atje ku u bë shumë i dashur për tifozët me teknikën e tij me këmbën e majtë. Nga “Elton Maradinha” ai u shndërrua në “Elton Arabia”, por aventura në Arabinë Saudite nuk shkoi siç e priste, pasi d të arrestohej. “Isha duke bërë foto me femra. Ato ishin veshur me të zeza dhe të mbuluara. Punonjësit e sigurisë erdhën që të më arrestonin. Më dërguan në komisariat. Ishte një moment që më frikësoi shumë, por më pas u mësova me kulturën e vendit të tyre”, deklaroi Elton.