Një vajzë tre vjeçare është përdhunuar dhe vrarë në Abbottabad, në Khyber Pakhtunkhwa në Pakistan. Lajmin e bëjnë të ditur mediat lokale. Sipas policisë vajza me emrin Faryal ishte zhdukur të martën, rreth orës 14 me orën lokale, nga shtëpia e saj.

Prindërit e kishin kërkuar por nuk kishin mundur ta gjenin dhe kishin bërë denoncim në komisariatin e zonës. Policia kishte nisur kërkimet dhe rreth mëngjesit të së nesërmes e kishte gjetur në një kanal aty pranë. Deri tani policia ka arrestuar rreth 30 të dyshuar për ngjarjen e tmerrshme. Sipas të dhënave paraprake dhe autopsisë vajza është dhunuar seksualisht dhe është lënë në kushte të rënda shëndetësore në rrugë, duke humbur më pas jetën si pasojë e të ftohtit ekstrem.