Një aksident ka ndodhur mesditën e kësaj të hëne në vendin e quajtur “Ura e Kardhiqit”, ku dy automjete janë përplasur me njëra-tjetrën. Për pasojë, katër persona kanë mbetur të lënduar dhe janë jashtë rrezikut për jetën.
“Rreth orës 13:00, në aksin rrugor “Gjirokastër-Tepelenë” në vendin e quajtur “Ura e Kardhiqit”, janë përplasur automjeti me drejtuese shtetasen angleze, K. M., 40 vjeçe, dhe automjeti me drejtues shtetasin R. M., 63 vjeç, banues në Vlorë.
Si pasojë janë dëmtuar lehtë drejtuesi i automjetit shtetasi R. M., dhe 3 pasagjerë që udhëtonin me të, të cilët ndodhen në spital, për ndihmë mjekësore, jashtë rrezikut për jetën.”, sqaron policia.
