Policia serbe ka plagosur rëndë sot një shqiptar në Medvegjë.Lajmin e ka konfimuar këshilltari Komunal i Medvegjës, Florim Sahiti.Personi i plagosur rëndë është Milazim Murati nga Gërbaci i Komunës së Medvegjës.Sipas portalit Luginalajm, Murati 34 vjeç është plagosur në malin që ndan Kosovën me Serbinë, ku ishte punësuar si roje mali, ndërsa nuk saktësohet nëse ishte i punësuar në institucionet e Kosovës, apo ato të Serbisë.“Po, para dy-tre orëve, është plagosur rëndë Milazim Murati nga Gërbaci i Medvegjës. Sipas informatave që i kemi, ai është duke u transportuar nga spitali i Gjilanit drejt QKU-së në Prishtinë, pasi që ka marrë plagë teje të rënda” -ka theksuar Florim Sahiti, këshilltar nga rradhët e Partisë për Veprim Demokratik në Medvegjë.Florim Sahiti, ka sqaruar se plagosja e Milazim Muratit ka ndodhur nga policia lokale dhe jo nga ajo e njësitit të xhandarmerisë.Megjithatë, ende nuk ka ndonjë njoftim nga Policia serbe, lidhur me rastin.