Në një status në facebook deputeti i Partisë Demokratike, Luçiano Boçi shkruan se kryeministri Edi Rama sot kërkon dialog për uljen e tarifave ndërkohë që sipas tij kur studentët e transferuar në Universitetet publike kërkonin dialog, Rama u dërgoi forcat speciale duke i tërhequr zvarrë me dhunë.
Sipas tij, atëherë kryeministri ndihej cub sepse ishte nën euforinë e pushtetit ndërsa tani po i merr zvarrë me VKM.
“Në 2015, Rama i nxorri duke i tërhequr zvarrë me dhunë, nga greva e urisë, studentët e infermierisë. Ky ka qenë në fakt standarti i tij i dialogut dhe i zgjidhjes së kërkesave për tarifa të arsyeshme të studentëve,”– shkruan Boçi.
Statusi i plotë:
Kur studentët e transferuar në Universitetet publike kërkonin dialog për uljen e tarifave, Rama u dërgoi “dialoguesit” specialë të forcave speciale.
Në 2015, Rama i nxorri duke i tërhequr zvarrë me dhunë, nga greva e urisë, studentët e infermierisë.
Ky ka qenë në fakt standarti i tij i dialogut dhe i zgjidhjes së kërkesave për tarifa të arsyeshme të studentëve.
Sot bën të njëjtën gjë, por me një ndryshim të vogël!
Po i merr zvarrë me ca VKM-ra, pa pikë lidhje dhe aspak funksionale.
Atëhere ndjehej cub i fortë, nën euforinë e pushtetit të sapo marrë dhe godiste hapur.
Tani si “Lamja” godet si kalama mashtrues!