Ndërsa në seancën e shkuar deputetja Majlianda Halilaj bëri xhiron e rrjetit me gafat e shumta gjatë fjalimit të saj në Kuvend, sot deputeti Ralf Gjoni është ndalur te mënyra se si u interpretua në media.

Sipas tij, askush nuk u mor me debatin për korporatën, por me gafat e Majlindës, që sipas tij u bënë për shkak se ajo është deputetet e re dhe pati shumë emocione, ndryshe nga vetë deputetja që u justifikua se kishte patur probleme me syrin.
“U ndezën gazetarët. Nuk u mor askush me korporatën, por me Majlindën, e cila është deputete e re, ngatërroi fjalët, pati emocione.

Nuk tha korporata, por koperata. Të gjithë u morën me Majlindën. Nuk u tha se u investua mazhoranca që të theksojë Majlinda koperata dhe jo korporata. Cfarë nuk u tha në media, që ajo edhe pse e lexoi gabim fjalimin, votoi kundër korporatës”, tha deputeti, i cili thekson se në media nuk u tha që “mazhoranca socialiste investohet të influencojë negativisht deputetët e opozitës për të komanduar votën e tyre në shërbim të oligarkëve”.