Në njësinë 5 të vendosur te shkolla “Vasil Shanto” ku është KZAZ nr.235 vijon procesi i numërimit. 6 kutitë e para të cilat nisën të numëroheshin rreth orës 10:00 kanë përfunduar dhe janë duke u bërë dhe proceduarat e mbylljes së këtyre kutive që nga momenti i rinisjes së procesit të numërimit. Nuk ka ende shifra zyratre për sa i përket rezultatit për këto 6 kuti, por me përfundimin e disa prej tyre pati entuziazëm nga vëzhguesit e Partisë Socialiste.
Gazetarja bën me dije se nuk ka pasur probleme gjatë procesit të numërimit, përsa i përket shifrave nuk ka ndryshime, PS vazhdon të kryesojë me 52.2%, PD 33.2%, LSI 6.8% të votave të numëruara dhe të raportuara deri në këto momente. Gazetarja Keti Banushi informon nga KZAZ nr.30 e vendosur në shkollën “1 Maji” ku u shënua dhe një incident ditën e djeshme.
Kjo qendër është rihapur rreth orës 08:00 tëmëngjesit të sotëm dhe deri tani kanë mbetur pa u numëruar dhe 40 kuti nga 87 në total. Rezultati i deritanishëm është PS me 11.877 vota, PD 6797 vota, LSI 1500 vota dhe PSD 900 vota. Ky rezultat pritet të ndryshojë sepse sapo kanë përfunduar dhe 6 kuti të tjera. Fletët e shpallura të pavlefshme kanë qenë dhe shkaku i incidentit të mbrëmshëm te shkolla “1 Maji.”