Janë bërë publike pamjet e momentit kur u ekzekutua biznesmeni Edmond Mëhalla më 30 nëntor në Elbasan.
Për ngjarjen është arrestuar Nevzat Spaho, 29 vjeç nga Prrenjasi, i dyshuar si bashkëpunëtor në vrasje. Ai ka precedentë penalë për tentativë vrasjeje, armëmbajtje pa leje, shtrëngim me kanosje dhe vjedhje.
Gjatë marrjes në pyetje, Spaho ka mohuar të ketë dijeni për atentatorin dhe ka deklaruar se automjetin e përdorur në krim ia kishte dorëzuar disa personave nga Lezha.
Ndërkohë, vijon kërkimi për dy të dyshuar të tjerë, Marselo Arani dhe Armando Kola, që dyshohet se kanë bashkëpunuar në ekzekutimin e 43-vjeçarit.
