Puna për ndërtimin e rrugës së re kombëtare Delvinë-Kardhiq që do të ketë një ndikim të madh në ekonomi dhe turizmin në zonë. Rruga do të shkurtojë distancat Tiranë-Sarandë me vetëm 3 orë si dhe do të kthejë qytetin e Gjirokastrës dhe Sarandës në një ofertë të përbashkët turistike.
Punimet për ndërtimin e rrugës Kardhiq–Delvinë, në jug të vendit, 14.5 km e gjatë, me vlerë investimi nga buxheti i shtetit 7.8 miliardë lekë nisën në 30 shtator.
ARRSH fillimisht ka lidhur kontratën e supervizimit, (kontrollit) që në muajin korrik të këtij viti dhe e ka parë projektin nga e para, duke ndërmarrë të gjitha ndryshimet e duhura sipas rregullave ligjore, për të realizuar një investimi bashkëkohorë dhe sipas standardeve më të mira.
Segmenti shtrihet në një terren të vështirë kodrinor ndaj puna për realizimin e këtij projekti ka marrë angazhimin maksimal të specialistëve të fushës për të bërë një rrugë sipas të gjitha standardeve.
Sipas projektit, segmenti i parë përfshin punimet nga Kardhiqi deri në hyrje të tunelit , pastaj nga fundi i tunelit dhe deri ku bashkohen dy lotet e tjerë. Bëhet fjalë për një rruge të kategorisë 2 me të gjithë elementët përbërës, me të gjitha standardet, ka 5 vepra të madha arti, ura dhe është një projekt i cili do të shoqërohet vitin që vjen me projektin e ri që do të bëjë ARRSH për tunelin dhe për segmentin fundor nga Shijani deri në urën e Gajdarit prej 6 km, për ta mbyllur me buxhetin e vitit që vjen të gjithë segmentin Kardhiq-Delvinë./atsh
