Në fshatin Shëlli, ku po rikonstruktohet rruga, dy punonjës të bashkisë së Matit kanë gjetur vdekjen sot nga plumbat e shkrehura mbi ta nga një person ende i paidentifikuar. Këto janë pamjet e rrugës, ku ndodhi edhe vrasja.
Bashkia e Matit njofton se disa ditësh ka nisur punën për rikonstruksionin e rrugës në fshatin Shëlli të Njësisë Administrative Macukull. Kjo rrugë ishte bërë e pakalueshme duke krijuar vështirësi për banorët e kësaj zone. Puna do të vijojë në rehabilitimin dhe pastrimin e rrugëve në të gjitha njësitë Administrative.
