Tre shkencëtarëve iu është akorduar Çmimin Nobel në Fizikë, për vitin 2020, në lidhje me punën e tyre kërkimore për të kuptuar vrimat e zeza. Roger Penrose, Reinhard Genzel dhe Andrea Ghez, u shpallën fituesit e këtij viti përmes një konference shtypi në Stokholm. Fituesit do të ndajnë mes tyre paratë e çmimit që arrijnë rreth 1 milion euro. David Haviland, kryetar i komitetit të çmimit të fizikës, tha se çmimi i këtij viti “feston një nga objektet më ekzotike në Univers”.
Vrimat e zeza janë rajone të hapësirës ku graviteti është aq i fortë sa as drita nuk mund të shpëtojë prej tyre. Fizikanti i lindur në Mbretërinë e Bashkuar, Roger Penrose demonstroi se vrimat e zeza ishin një pasojë e pashmangshme e teorisë së relativitetit të përgjithshëm të Albert Ajnshtajnit.
