Po pritet me padurim “Festivali i Këngës në RTSH”, që do të mbahet në datat 19, 20 dhe finalja 22 dhjetor. Në skenën e Festivalit nuk do të ngjiten vetëm artistët shqiptarë, por edhe 3 artistë mjaft të njohur ndërkombëtarisht, Mahmood, Giusy Ferreri dhe Eleni Foureira, shkruan rtsh.al.Mahmood do të këndojë natën e parë, Giusy Ferrieri natën e dytë dhe Eleni Foureira do të dhurojë një spektakël të paparë ndonjëherë në një skenë shqiptare në natën finale. Eleni së shpejti do të vijë në Tiranë me të gjithë stafin e saj dhe do të nisin përgatitjen për natën finale. Ajo do të performojë plot 15 minuta hitet e saj më të njohura dhe performanca do të jetë e shoqëruar nga një trupë e madhe balerinësh e me efekte piroteknike.
Categories
Showbiz