Ai është mjaft i dashur nga publiku për këngët romantike që shkruan dhe këndon. Është fjala për Lewis Capaldi, i cili thuhet se ka një pasuri prej 10 milionë dollarë.

E pavarësisht gjithë kësaj pasurie që ka arritur të grumbullojë gjatë karrierës së tij muzikore, ai ka vendosur që të jetojë në të njëjtën shtëpi me prindërit dhe fle pikërisht në dhomën e fëmijërisë.

23-vjeçari jeton në Skoci me Carol, nënën e tij infermiere dhe Mark, babain e tij që merret me tregti peshqish.

“Daily Mail” shkruan se dhoma është arreduar për herë të fundit kur ai ishte 10 vjeç dhe pas 13-vitesh asgjë, ose pak gjëra kanë ndryshuar.

Madje edhe makinat dhe lodrat e tij të dikurshme qëndrojnë ende aty nëpër këmbë dhe nuk kanë zbritur në bodrum.

“Jam mbyllur për ditë të tëra në këtë dhomë, pa hapur as dritaren dhe kam shkruar këngë”, ka thënë Lewis.