Beniada Nishani është një nga banoret më të pëlqyera nga publiku në shtëpinë e “Big Brother Vip”. Ajo një nga vajzat më pa komplekse, ndonëse është një ndër modelet shqiptare më të suksesshme, Beniada nuk ka nguruar që të tregojë punën e parë që ka bërë në Itali.
Gjatë një bisede më Arbrin, ajo ka thënë se kur ishte 16 vjeç ka punuar në një dyqan mishi me mamanë e saj, ku edhe bënin pastrimin e makinerive dhe ambientit të dyqanit dhe më pas ka punuar si kamariere dhe shitëse akulloresh në plazh.
“Puna e parë kur kam qenë 16 vjeçe, kam punuar me një grua që shiste mish, bënte dhe gjëra për të ngrënë. Punoja atje me mamin. Mami ka punuar shumë vite aty, unë 1 vit. Pastronim dyqanin, ato makineritë e mishit. Pastaj kam punuar dhe shitëse akulloresh në plazh, dhe si kamariere”, tha Beniada.
