Një ngjarje e rëndë raportohet të ketë ndodhur sot në Korsikë të Francës. Një 70-vjeçar hapi zjarr në drejtim të turmës, duke vrarë një person dhe plagosur gjashtë të tjerë.
I moshuari raportohet se u fsheh pas dy pengjeve dhe më pas u mbyll në shtëpinë e tij për t’i shpëtuar uniformave blu.
Policia është duke zhvilluar një operacion për kapjen e autorit. Të shtënat me armë ndodhën në lagjen e Montesoro.
Një përfaqësues i prefekturës tha se ishte “një individ i armatosur”.
Prokurori Karolin Taro, i cili ishte në vend, tha se një nga të plagosurit është në situatë serioze. Mes të plagosurve raportohet të jetë edhe një efektiv policie, ndërsa nuk dihen motivet e sulmit.
