Një 65-vjeçar është arrestuar në flagrancë nga forcat e policisë në rrugën “Tomi Kristo” në kryeqytet, ndërsa kishte dhunuar dhe kërcënonte se do ta vriste bashkëshorten e tij.
Policia bën me dije se shtetasi me inicalet Sh. V., ditën e sotme, ka ushtruar dhunë ndaj bashkëshortes së tij si dhe e ka kanosur atë. Gjatë kontrollit të banesës së 65-vjeçarit, policia ka gjetur dhe sekuestruar një thikë, një armë zjarri kallashnikov, 4 krëhra dhe municion luftarak.
Sakaq, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
