Lideri i opozitës Lulzim Basha ka publikuar një plan me 5 pika për daljen nga emergjenca e sjellë prej përhapjes së koronavirusit në Shqipëri. Basha e ka publikuar planin në një video në rrjetin social, si më poshtë:
Plani i daljes nga emergjenca: sa më shumë testime
sa më shumë persona të testuar, aq më shpejt identifikohen të prekurit dhe ndalohet përhapja e covid-19. bllokimi i ekonomisë dhe popullsia në karantinë kanë kosto shumë më të lartë sesa testimi i qytetarëve. gjurmimi i burimit dhe i kontakteve
duhet bërë gjurmim i plotë i burimit dhe i kontakteve të të prekurit. testimi i mjekëve, policëve e personave në vijën e parë. kjo kërkon burime njerëzore, trajnimin dhe përdorimin e kapaciteteve lokale shëndetësore.
mbështetje për shëndetësinë
të sigurojmë mjetet dhe pajisjet për personelin shëndetësor. të garantojmë që kapacitetet tona shëndetësore të përballojnë fluksin e personave që kanë nevojë për trajtim. matjet dhe menaxhimi i situatës
duhet një sistem i saktë i matjes së impaktit që kanë masat e marra.
nëse ne e dimë çfarë impakti kanë ato – ulin, mbajnë konstant apo rrisin numrin e të infektuarve -atëherë do të kemi mundësi të reagojmë menjëherë në menaxhimin e situatës, duke i shtrënguar apo lehtësuar më shumë masat e marra.
Tranzicioni drejt hapjes së ekonomisë Rifillimi kërkon përshtatjen me realitetin e ri. Qytetarët dhe bizneset do duhet të mësohen të funksionojnë në kushtet e distancës 1,5 m. Sa më shpejt të adoptohet kjo mënyrë e re aq më shpejt mund të rifillojë ekonomia dhe të reduktohet karantina. Qeveria duhet të mbështesë me fonde dhe lehtësira mënyrën e re të funksionimit të ekonomisë.
