DVP Vlorë Specialistët për Hetimin e Trafiqeve të Paligjshme dhe Narkotikëve arrestuan në flagrancë shtetasin D. D., 49 vjeç, banues në Vlorë, pasi gjatë kontrollit fizik, shërbimet e Policisë i gjetën dhe i sekuestruan një sasi lënde të dyshuar narkotike cannabis sativa.

Specialistët për Hetimin e Krimeve të Komisariatit të Policisë Sarandë ndaluan shtetasin e shpallur në kërkim, Fatos Muço, 60 vjeç, banues në Sarandë, pasi Gjykata e Rrethit Gjyqësor Sarandë e ka dënuar me 8 muaj burgim, për veprën penale “Veprime në kundërshtim me vendimin e Gjykatës”.