Reshjet e shiut të rëna gjatë natës dhe ndryshimet e temperaturave kanë bërë që plazhet e Vlorës të boshatisen. Plazhet sot janë bosh ashtu si edhe një ditë më parë.
Moti i keq gjatë natës dhe në orët e para të mëngjesit i ka larguar nga zonat bregdetare. Çadrat janë të mbyllura. Ulja e temperaturave dhe moti me vranësira nuk po josh askënd per t’u larë në det.
Duket se edhe pushuesit po largohen në vendet ku banojnë pasi jemi dhe në ditët e fundit të muajit gusht. Mosfrekuentimi i plazhit nga moti i paqëndrueshëm reflektohet edhe tek trafiku në Vlorë dhe zonat përgjate bregdetit.
