Replika të forta mes një studenti në Vlorë dhe kryeministrit Rama në takimin e sotëm në Universitetin “Ismail Qemali”.
Studenti është ngritur nga vendi dhe i ka thënë Ramës se është mashtruesi më i madh, që do vetëm të shuhet protesta, e ndërkohë është bërë gogol për gjithë fëmijët.
Studenti: Jeni mashtruesi më i madh, kur ju bëtë takimin me Lulin te cadra dhe arritët ti mbyllnin gojën Lulzim Bashës ca mund të bëni ne me. Ju thoni eja bëjmë dialog, shuani protestën dhe pastaj të bëhet ca të bëhet, si bëhet gjithmonë në Shqipëri, ne jemi studentë nuk jemi dele, i kuptojmë gjërat si janë.
Fëmijët nuk kanë më frikë nga gogoli, kanë nga ju, dëgjojnë prindërit që obobo Rama na rriti taksat na bëri këtë, kanë frikë, keni bërë ca keni bërë me popullin, me ne qëndroni korrekt
Jam i lumtur nëse nuk pushkatohem, kjo është një shfaqje e ndyrë, shuani protestën e të shohim.
Rama: Pika e parë rrugacëria nuk është trimëri, të çohesh dhe ta fyesh tjetrin, ti merr fjalën dhe thua ti je mashtruesi më i madh këtë e kam dëgjuar unë nga ata që dëgjon ti dhe më duken për të ardhur keq e më vjen shumë keq për ata që i votojnë, unë vetë mund të jem ironik, sarkastik, por kurrë s’ke dëgjuar e do dëgjosh nga unë nga këto akuza rrugacërore, miqësisht të them hiqi këto për veten tënde.
As mos ki asnjë merak se ti për mua rron 1 mijë vjet, unë ta kam merakun ty për veten tënde, ti e quan popullin delen, ti thua ne nuk jemi dele. Ke fyer të gjithë ata që mendojnë ndryshe si ty, e pse, se mendojnë ndryshe, ti kush je që u thua ashtu? Ca je ti që nuk respekton minimumin jetik, fole të dëgjova, tani më lër të flas unë. Ti akuzon si ata që të kanë hedhur ty trutë e gomarit, e drejta jote, unë kam të drejtë të jap përgjigje.
Sa për protestën as nuk më intereson të mbyllet, ka raste plot, të fusin ujin me presion që mos të kesh cfarë të bësh, ndodh në Francë kjo, në qeveri demokratike, kur kërkojnë qiqra në hell. As po them ndaloni protestën, asgjëkundi.
