Në procesin gjyqësor ndaj biznesmenit Pëllumb Gjoka dhe shtetasve Behar Bajroviç e Edmon Preka, të akuzuar për vrasjen e Gjin Ndojit në gusht të vitit 2020, GJKKO ka pranuar kërkesat e avokatëve lidhur me provat që do të përfshihen në shqyrtimin gjyqësor.
Mes tyre është edhe dërgimi i një letërporosie të re në Francë, për të sqaruar burimin e të dhënave të SKY ECC.
Gjykata pranoi gjithashtu kërkesën e mbrojtjes që të merret si provë një vendim i autoriteteve gjyqësore holandeze, i cili në vitin 2019 nuk ka lejuar përgjimin masiv të përdoruesve të SKY ECC.
Ndërkohë, në seancën e ardhshme pritet të nisë pyetja e dëshmitarëve të kërkuar nga SPAK. Mes tyre është edhe shtetasi Jozi Kraja, i njohur ndryshe si Ndoj, vëllai i viktimës, i ekstraduar në fillim të këtij viti nga Zvicra në kuadër të dosjes “Revanshi”, si dhe e dashura e viktimës.
