Arben Ristani ka deklaruar se Komisioni i Rithemelimit të PD-së është drejt një koalicioni për zgjedhjet e pjesshme të 6 Marsit. Ristani tha nga Vora se detajet do të bëhen publike në ditët e ardhshme.
Arben Ristani: Nga bisedat e zhvilluara deri në momentet e fundit besoj që jemi drejt një koalicioni dhe kandidatët do të jenë të mbështetur nga një koalicion partish. Për detajet do të njoftojmë në një deklaratë publike që do dalë nga Komisioni i Rithemelimit ku do dalin edhe detajet.
Të dhënat nuk mund t’ua jap tani sepse akoma nuk janë dizejnuar përfundimisht. Ristani tha se kandidatët e vetëm të PD-së do të jenë ata që dalin nga procesi i primareve.
Arben Ristani: PD do të ketë kandidatin e vet të dala nga këto zgjedhje që shihni, ndërsa kandidatët e “bravës” për mua janë të pallogaritshëm në këto zgjedhje.
