Shoqata e Ruajtjes dhe e Mbrojtjes së Mjedisit Natyror në Shqipëri ka realizuar mbi 300 fotografi të kafshëve të egra në habitatin e tyre.
Mësohet se fotot e këtyre kafshëve të egra janë bërë në zonat e thella të Pukës dhe Mirditës.
Fotot e këtyre kafshëve janë bërë nga kamerat kurth të PPNEA-së. Kjo shoqata ka bërë të ditur edhe se sezoni i monitorimit të jetës së egër në rajonin Pukë-Mirditë është mbyllur me sukses.
E ditur bëhet edhe se këtë vit për fat të keq këtë vit shoqata nuk ka pasur fatin qe të kapte një individ të rrëqebullit të Ballkanit, por kanë evidenca ku rrëqebulli iu afrua kutisë kurth.
Krahas fotove kjo shoqatë ka publikuar ka shkruar edhe se:
“Pukë – Mirditë, kamerat-kurth të PPNEA-së shkrepin mbi 300 foto të jetës së egër. Sezoni i monitorimit të jetës së egër në rajonin Pukë-Mirditë është mbyllur me sukses, plot me foto dhe video spektakolare, të cilat nuk janë shkrepur e filmuar kurrë më parë. Gjatë këtij monitorimi janë shkrepur mbi 300 foto të llojeve të ndryshme, ku mbizotëron rrëqebulli i Ballkanit, xhevahiri i maleve tona. Kemi kënaqësinë të ndajmë me ju disa nga fotografitë më të spikatura të sezonit te monitorimit dimër – pranverë 2019 si dhe disa foto nga procesi i monitorimit të kutisë – kurth. Fatkeqësisht, këtë vit nuk patëm fatin qe të kapim një individ të rrëqebullit të Ballkanit, por kemi evidenca ku rrëqebulli iu afrua kutisë kurth. Ky monitorim u realizua në kuadër të “Programit për Rimëkëmbjen e Rrëqebullit të Ballkanit – Faza IV”, mbështetur nga fondacioni Euronatur. “
