Lajme

Gjendet vizatimi më i hershëm në botë në Afrikën e Jugut

Një copë shkëmbi e vizatuar e cila është zbuluar së fundmi mendohet të jetë vizatimi më i vjetër në botë.

Arkeologët gjetën fragmentin e vizatuar tek këta gurë në shpellën e Blombos në Afrikën e Jugut. Janë dashur shtatë vjet teste për të arritur në përfundimin se një person vizatoi linjat me një ngjyrë kafe okër 73.000 vjet më parë.

Guri i modeluar nga Blombos u gjet rastësisht në vitin 2011, pasi studiuesit hoqën hirin dhe papastërtitë nga pikat e shtizave dhe objekte të tjera të zbuluara në vend.

Dizajni i zbuluar është shumë i vogël por ama është shumë impresionues dhe me vlerë të madhe historike dhe me vlerë për mbarë njerëzimin.

Ekzaminimi i kujdesshëm dhe i detajuar i këtij guri ka çuar në përfundimin se është vizatuar me një shkumës ngjyrë hiri.

Ndërsa shumica e linjave janë bërë me një goditje të vetme, të tjerat janë krijuar duke fërkuar këtë gur me shkumësin ngjyrë okër.

Për të arritur linja të tilla të ngushta, okra duhet të ishte e vështirë dhe e theksuar, kulmi i tij midis një dhe tre milimetra të gjerë.

Ngjyra e okrës është një term i gjerë për shkëmbinjtë dhe argjilin që janë në ngjyrë të kuqe ose portokalli si pasojë e mineraleve të pasura me hekur që përmbajnë.

Testet në linjat e kuqe që përbëjnë vizatimin Blombos tregojnë se pigmenti përmban hematit, një mineral hekuri i zakonshëm me ngjyrë të kuqërremtë.

“Linjat janë shumë të qëllimshme dhe nuk janë bërë pa kurrëfarë synimi, përkundrazi. Kur i riprodhojmë linjat, duhet të kesh një dorë shumë të fortë dhe duhet të aplikosh okër mjaft të vendosur për t’i bërë ato të duken ashtu”, tha Henshilwood.

“Nuk ka dyshim se ky është një simbol që do të thotë diçka për njerëzit që e bënë atë”, tha Henshilwood. Është një simbol që përsëritet pa pushim dhe vazhdon të përsëritet në të gjithë botën në Australi, Francë dhe Spanjë dhe kudo tjetër. Kjo është pjesë e repertorit të shenjave që truri i njeriut riprodhon. Nuk mund t’ju them se çfarë do të thotë, dhe nuk mund të them se është art”.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button