Gjykata Kushtetuese ka marrë vendimin se mandatet e deputetëve nuk mund të zëvendësohen në bllok me emrat që janë në listat pritëse. Ky vendim i Gjykatës Kushtetuese është marrë në vitin 1993 kur 3 deputetë të Partisë Socialiste kërkonin mandatin e deputetit.
Arben Demeti, Preç Zogaj e Shahin Kadare kërkonin që të bëheshin deputetë, por Kuvendi nuk e kishte miratuar. Pas padisë në Kushtetuese, sipas “Syrit”, me vendim unanim ka vendosur të rrëzojë kërkesën e tyre.
Ja çfarë thuhet në vendim:
Rrëzimin e kërkesës së Grupit Parlamentar të Partisë Socialiste dhe të kërkuesave Arben Demeti, Preç Zogaj e Shahin Kadare.”
Shumëkush nga lexuesit apo juristët e partive mund të shprehet se ky është një vendim i vitit 1993, por duhet të theksojmë se ky është vendim i Gjykatës Kushtetuese dhe janë vendime që përdoren si precedentë, të cilët nuk mund të ndryshohen.
Një Gjykatë Kushtetuese nuk mund të marrë dy vendime të ndryshme për të njëjtin objekt gjykimi, kështu që vendimi është i detyrueshëm edhe sot.
E zëvendësimi i deputetëve të opozitës me emrat që ndodhen në listë, është anti kushtetues dhe i paligjshëm edhe sot.