Një senator australian i është kthyer keq një adoleshenti që e qëlloi me vezë në kokë.

Më videon e bërë virale në internet, 17-vjeçari shihet duke mbajtur një celular në një dorë dhe me dorën tjetër i hedh vezën në kokë senatorit, Fraser Anning.

Ky i fundit ka reaguar menjëherë duke i qëlluar me shpullë dhe u desh ndërhyrja e një personi të sigurisë për t’ia hequr adoleshentin nga duart.

Anning zuri kryetitujt e mediave botërore ditën e djeshme kur deklaroi se myslimanët në Zelandën e Re e kanë vetë fajin për sulmin e përgjakshëm.

Në një deklaratë të tijën, Anning, fajësoi myslimanët, të cilët ishin shënjestra e terroristit, dhe emigracionin për sulmin që u mori jetën 49 personave.

Ai u shpreh ndër të tjera:

Si gjithmonë, politikanët e krahut të majtë dhe mediat do të nxitojnë të pohojnë se shkaqet e sulmeve të sotme lidhen me ligjet e armëve apo tek ata me pikëpamje nacionaliste, por kjo është e gjitha një marrëzi e klishe. Shkaku i vërtetë i gjakderdhjes në rrugët e Zelandës së Re sot është programi i emigracionit i cili lejoi që fanatikët myslimanë të emigronin në Zelandën e Re në radhë të parë. Le të jemi të qartë, ndërsa myslimanët mund të kenë qenë viktima sot, zakonisht ata janë autorë. Në mbarë botën, myslimanët po vrasin njerëz në emër të besimit të tyre..”