NASA është duke kërkuar persona të cilët duhet të qëndrojnë për dy muaj në shtrat. Për këtë gjë këta persona do të paguhen 19 mijë dollarë.

Por këta persona për 60 ditë nuk duhet të çohen nga krevati për asnjë arsye të vetme. Këta persona kërkohen, pasi NASA është duke u përgatitur që të kryejë një studim me Agjencinë Hapësinore Europiane dhe atë Hapësinore gjermane

Po ashtu e ditur bëhet se kërkohen gjithsej 12 burra dhe 12 gra, të moshave nga 24 deri në 55 vjeç, e të gjithë duhet të dinë gjermanisht.

Ky studim do të zhvillohet nga shtatori deri në dhjetor të vitit 2019 në qytetin e Këlnit në Gjermani. Personat e zgjedhur duhet të hanë shtrirë e madje edhe do të lahen në krevat.

Ky studim ka si qëllim të kuptojë reagimet e trupit në mungesë të gravitetit, por të shihen edhe efektet negative.