Vetëmbytja e Alma Arrazit dhe tre fëmijëve të saj, ishte një nga ngjarjet më të rënda të raportuara më parë në vendin tonë, që tronditi mbarë opinionin publik.
39-vjeçarja dyshohet se u largua në datën 2 maj nga shtëpia bashkë me tre fëmijët e vegjël, dy vajzat 9 dhe 6 vjeçe, dhe djalin 3 vjeç, dhe u pa për herë të fundit duke pirë kafe në një lokal në Shkodër, afër urës së Bunës.
Pas kësaj bashkëshorti denoncoi në polici zhdukjen, ndërsa nisën kërkimet për lokalizimin e tyre.
Ishte një peshkatar i zonës ai që në orët e para të mëngjesit të 4 majit, teksa kishte dalë për peshk në ujërat e Bunës, pikasi trupin e pajetë të vajës 9 vjeçare.
Menjëherë më pas forca të shumta polumbarësh nisën kërkimet përgjatë këtij lumi, Drinit, e po ashtu edhe në ujërat malazeze, për të gjetur trupat e pajetë të nënës dhe dy fëmijëve të tjerë, pasi panorama ishte e qartë… ata ishin mbytur të katërt.
Dje pasdite u gjet trupi i pajetë i vajzës së dytë, ndërsa sot u gjet 3-vjeçari e më pas edhe Alma Arrazi.
Sipas një harte, trupi i vajzës së madhe u gjet në Darragjat, 6- vjeçarja u gjet në Dajlan afër urës së Bunës, ku mendohet që janë hedhur, djali u gjet në Zues, e ndërsa nëna në Pentar.
Nga rrjedha e lumit trupat janë shpërndarë në një distancë prej 14 kilometrash.
Policia vijon hetimet për zbardhjen e plotë të kësaj ngjarjeje tronditëse, ndërsa bashkëshorti i Almës, Erdys Arrazi, është lënë në burg këtë paradite, pasi dyshohet se ishte ai që ka shtyrë të shoqen drejt aktit të vetëflijimit.
U mbytën në lumin Buna së bashku me nënën dhe vëllain, homazhe në shkollë për Ergesën e Gresën! Librat e dy motrave në bankë zëvendësohen me lule
Për shkollën “Ndre mjeda” në Shkodër sot është një prej ditëve më të vështira. Mungesa në klasë e Ergesës dhe Gresës, që humbën jetën në ujërat e lumit Buna bashkë me nënën e vëllain e tyre më 2 Maj, ka lënë një dhimbje të madhe.
Shokët e shoqet e klasës, së bashku me prindërit e tyre u shfaqën të pikëlluar e me lot në sy.
Librat e motrave të moshës 9 dhe 8 vjeç, të dyja në klasën e dytë, u zëvendësuan në bankat e shkollës me lulet e bashkëmoshatarëve të tyre.
Një prej prindërve, e cila ka vajzën në të njëjtën klasë ku mësonin dy viktimat e mitura, u shpreh se e kishin të vështira t’ua shpjegonin fëmijëve të tyre mungesën e Ergesës e Gresës.
“I ka pasur në klasë të dyja vajzat. Është ditë shumë e vështirë, edhe për fëmijët edhe për prindërit. Vajzës ishte e vështira t’ia shpjegoja, i thashë thjesht që ke humbur dy shoqe sepse mami i saj shkoi të lahej në Shirokë”, shprehet ajo.
Trupi i pajetë i 9-vjeçares Egesta u gjet rastësisht në lumin Bunë nga një peshkatar mbrëmjen e 4 Majit, ndërsa Gresa u gjet pasditen e djeshme (6 Maj) pas kërkimeve nga palombarët e RENEA-së dhe forcave të ushtrisë.
Policia vijon hetimet për zbardhjen e plotë të kësaj ngjarjeje tronditëse, ndërsa bashkëshorti i Almës, Erdys Arrazi, është lënë në burg këtë paradite, pasi dyshohet se ishte ai që ka shtyrë të shoqen drejt aktit të vetëflijimit.