Për shkak të mosrespektimit të masave për parandalimin e përhapjes së virusit korona, Policia e Kosovës po vazhdon që të gjobisë personat fizikë dhe juridikë. Vetëm në 24 orët e fundit policia ka vendosur 791 gjoba për qytetarët që nuk i respektuan masat antikovid të vendosura nga institucionet shëndetësore e shtetërore.
Ndërkohë që në vend ka rënë numri i rasteve pozitive me COVID-19. Institutit Kombëtar të Shëndetësisë Publike të Kosovës (IKShPK) në raportin e fundit ka njoftuar për 97 raste të reja COVID-19 dhe vdekjen e pesë personave.
