Ngjarja e rëndë e ndodhur një ditë më parë në plazhin e Durrësit, ku dy persona humbën jetën është një sinjal alarmi për Qendra Kombëtare e Urgjencës Mjekësore.
Kujdesi, vëmendja, parandalimi dhe këshillimi janë në qendër të vëmendjes sonë, pasi pasojat mund të jenë fatale. Për fat të keq si pasojë e pakujdesisë humbasim jetë nga mbytjet. Që nga fillimi i sezonit turistik veror e deri tani janë regjistruar 11 raste. QKUM ju këshillon që të tregoheni të kujdesshëm dhe të ndiqni si duhet rregullat e arta për të kursyer sa më shumë jetë.
👉 Mbrojtja më e mirë është PARANDALIMI!
‼️Rregulla të arta të sigurisë në plazh ‼️
– Mos notoni vetëm.
– Fëmijët të jenë gjithmonë të shoqëruar kur hynë në det.
-Mos u hidhni nga lartësi nëse nuk e njihni atë zonë të detit.
-Mos hyni në det të paktën një orë pas ngrënies.
-Nëse keni qëndruar gjatë në diell, hyni në det ngadalë, qëndroni 1-2 minuta në ujë.
-Lagni gjymtyrët, fytyrën dhe trupin.
-Prisni disa sekonda pas lagies, pastaj mund të zhyteni.
-Nëse keni konsumuar pije alkoolike gjatë vakteve, nuk këshillohet hyrja në ujë.
-Nëse keni terapi antidepresive ose anti ankth, mos hyni në det vetëm.
-Mos notoni në zona të panjohura, respektoni kufizimet e plazheve.
-Mos notoni larg kufizimeve të plazhit për tu ruajtur nga mjetet motorike detare
-Notoni paralel me bregun e detit.
-Nëse ndeshni vështirësi nga rrymat, për të dalë në breg, mos insistoni.
– Lëreni rrymën t’ju çojë drejt detit dhe në momentin që nuk ndjeni vështirësi, spostohuni majtas ose djathtas nga 10 – 50 metra, pastaj shkoni drejt bregut.
– Respektoni rregullat e notimit sipas flamujve në kullat e rojes bregdetare:
👉Flamuri i gjelbër-Lejohet notimi.
👉Flamuri i verdhë – Notim me masa mbrojtëse.
👉Flamuri i kuq – Ndalohet notimi.
– Respektoni rregullat e higjienës dhe pastërtisë në plazhe.
– Nëse ndodheni në raste mbytjesh në det, njoftoni menjëherë 127.
-Një person i trajnuar (mjek, infermier) për dhënien e ndihmës së parë telefonike do t’ju drejtojë deri në mbërritjen e ekipit mjekësor.
👉Mësoni manovrat bazë të jetëshpëtimit (BLS – Mbajtja e parametrave jetësor bazë). ✅
Njësia e Koordinimit pranë Qendrës Kombëtare të Urgjencës Mjekësore është në gatishmëri për t’ju përgjigjur çfarëdo lloj kërkese për ndihmë mjekësore ose konsultimi në numrin falas 1-2-7.
#Siguria_në_Plazh #Mësoni_dhënien_e_ndihmës_parë #BLS #Telefono127#QKUM_në_Shërbimin_Tuaj 🚑🚨
