Ben Affleck dhe Ana de Armas thuhet se janë ndarë pas gati një viti lidhjeje. Dyshja, të cilët nisën të shoqëroheshin për herë të parë në fillim të vitit 2020, vendosën të ndiqnin rrugët e tyre të veçanta, u raportua të hënën.
Një burim i brendshëm konfirmoi ndarjen për revistën “People”, i cili zbuloi se Ana, 32 vjeç, nuk donte të ishte e lidhur me Los Angeles, ku Ben duhet të jetë i vendosur për fëmijët e tij. “Ben nuk po del më me Anën,” tha burimi.
“Ajo u nda. Marrëdhënia e tyre ishte e komplikuar. Ana nuk dëshiron të qëndrojë më në Los Angeles dhe Ben padyshim që duhet pasi fëmijët e tij jetojnë në Los Angeles.” Një tjetër person i brendshëm shtoi se ndarja ishte e ndërsjellë dhe ‘plotësisht miqësore’.
Për më tepër, UsWeekly citon një burim i cili zbuloi: ‘Ben dhe Ana po lëviznin në drejtime të ndryshme në jetën e tyre dhe ndaluan së shikuari sy më sy. Të dy nuk mund të zgjidhnin dallimet dhe kanë vendosur t’i japin fund lidhjes së tyre. ”
