100 bizneset e mëdha që operojnë në tregun shqiptar kanë paguar tatimfitimi 39.5 miliardë lekë më shumë, gjatë periudhës 2014-2019 se sa në periudhën 2006-2013.
Konkretisht, 100 bizneset e mëdha paguan 48,1 miliardë lekë gjatë harkut kohor 2014-2019, kur në periudhën 2006-2013 kanë paguar vetëm 8.6 miliardë lekë. Kryeministri Edi Rama deklaroi sot se faktet janë kokëforta dhe tregojnë se 100 më të pasurit kanë paguar 458% më shumë taksa në 5 vitet e fundit, se sa në 8 vitet bashkë të qeverisjes së PD-së.
“Meqë disa prej jush shkruan dje këtu se 10 më të mëdhenjtë paskan paguar më shumë se paskan marrë më shumë punë nga shteti (e pavërtetë), po ju vë sot para syve faktin tjetër kokëfortë, se 100 më të pasurit kanë paguar 458% më shumë taksa në 5 vitet e fundit, se sa në 8 vitet bashkë të qeverisjes së dështakëve që dinë veç të gënjejnë, të shajnë e të bëjnë rrëmuja pa lidhje”, deklaroi Kryeministri Rama. Të dhëna i referohen regjistrit të Administratës Tatimore.