Kryeministri Edi Rama u ndal pasditen e sotme në Thumanë, në një bashkëbisedim me banorët e dëmtuar nga tërmeti i 26 nëntorit.
Bashkë me humbjet njerëzore dhe dëmet në banesa, tërmeti duket se ka hapur edhe hallet që i shoqërojnë këta banorë në përditshmëri.
Një grua, banesa e së cilës është klasifikuar si DS3 u shpreh spektike se shifra 5 mijë dollarë e përcaktuar si dëmshpërblim mund ti mjaftojë për rindërtimin.
Ajo ju ankua kryeministrit edhe për kushtet ekonomike, ku tha se po rrit jetimë dhe dalin e ka të sëmurë.
Diskutimi mes Kryeministrit dhe gruas
Banorja: Më ka dalë shtëpia DS3, e pabanueshme.
Rama: Në rastin e Thumanës, në këtë zonë gjithçka do të bëhet e re. Në rastin që nuk është aty, DS3 është dëmtim i rëndë por i riparueshëm. Për DS3 do të bëjmë meremetime dhe kemi dhe disa standarde dëmshpërblimi. Për familjet me DS3 ka një kuotë dëmshpërblimi 5000 dollarë. Për meremetime për një apartament është ok.
Banorja: Nuk na del se jemi me jetimë, kam edhe fëmijën 29 vjeç të sëmurë.
Rama: Po flasim për shtëpinë apo?
Banorja: Jo po flasim për fëmijën.
Rama: Si nuk del?
Banorja: Nuk dalin 5 mijë dollarë që thatë ju për ta rindërtuar, ndoshta shtëpia ka nevojë për më tepër.
Rama: Riparimi i një shtëpi me shumën që të thasëh është 100% e sigurt që të del.
Banorja: Ndoshta nuk na del.
Rama: Nuk flas me ndoshta, unë them që del. Por, po nuk doli këtu më ke mua.
Banorja: Thashë të na sjellësh punëtorë.
