Ministrja e shëndetësisë, Ogerta Manastirliu përmes një postimi në facebook ka bërë të ditue se në Shqipëri sapo kanë mbërritur edhe 16,380 doza të vaksinës Pfizer nga kontrata e firmosur midis qeverisë shqiptare dhe kompanisë Pfizer. Sipas Ministres, kujtojmë se deri tani në Shqipëri kanë mbërritur 1,120,070 vaksina anticovid.
Postimi i plotë: Me Ambasadorin Luigi Soreca dhe Ambasadori Christian Steiner në Aeroportin “Nënë Tereza”, ku sapo kanë mbërritur 16,380 doza të vaksinës Pfizer, nga kontrata e qeverisë shqiptare me kompaninë Pfizer si dhe pjesë e mbështetjes së Bashkimit Europian, të siguruara nga qeveria austriake.
1,120,070 vaksina anticovid kanë mbërritur deri tani në Shqipëri, për të vijuar pa u ndalur me planin kombëtar të vaksinimit, për mbrojtjen e jetës dhe shëndetit të qytetarëve.
