Shkencëtarët kanë krijuar me sukses dy embrione nga rinoceronti i bardhë verior, dhe kjo shënon një pikë kthese vendimtare për të shpëtuar kafshën madhështore nga zhdukja. Dy rinoqerontët e fundit të mbetur në të gjithë botën – Fatu dhe Najin – janë të dyja femra dhe po jetojnë në Kenia.
Mashkulli i fundit Sudani vdiq vitin e kaluar, duke ngritur frikë se këto specie janë në prag të zhdukjes, veçanërisht sepse dy femrat nuk mund të kryejnë një shtatëzani.
Shkencëtarët njoftuan të Mërkurën se ata fertilizuan me sukses embrione in vitro të mbledhura nga këto dy të mbeturat.Embrionet u krijuan me vezë të nxjerra nga Fatu dhe Najin nga shkencëtarë ndërkombëtarë muajin e kaluar dhe spermë të ngrirë nga meshkujt e vdekur. Dy embrione ishin të zbatueshme, dhe tani janë ruajtur në azot të lëngshëm, duke pritur të transferohen në një nënë zëvendësuese në të ardhmen e afërt. Embrionet janë vetëm një pjesë e një udhëtimi të gjatë për të ndaluar zhdukjen e këtyre gjallesave.
