Një 2-vjeçare është përzënë nga kopshti, sepse sipas stafit koka e saj e deformuar mund të trembë fëmijët e tjerë. Sofya Zakharova ka lindur me një deformim në kafkë, dhe gishtat e këmbës e të dorës i ka të ngjitura.
Prindërve e saj, që jetojnë në Republikën e Bashkortosan, në Rusi iu është thënë se vajza duhet t’i nënshtrohet ndërhyrjes kirurgjikale për rregullimin e deformimit para se të pranohet në kopsht.
Nëna e vogëlushes Svetlana Gizatullina dhe babai Rasul jetojnë në një shtëpi fshati në kushte të këqija ekonomike, pa ujë dhe energji elektrike, por ata kërkojnë që së paku vogëlushja të qëndrojë me fëmijë të moshës së saj.
