Një pasagjer 20-vjeçar akuzoi policinë portugeze për d hunë fizike duke thënë se i lënduan dorën, qafën dhe këmbën. Mediat e huaja raportojnë se Rafik Boutiche goditi një stjuardesë para se të niste fluturimi, gjë të cilën e mohoi. Ai tregoi se i kërkoi stjuardesës që të ndërronte vend dhe të ulej te një sedilje tjetër, e cila ishte e lirë, por në atë moment ndërhynë forcat e policisë. Miku i tij, Islam Fessih filmoi skenën në të cilën 20-vjeçari dëgjohet duke bërtitur: “Ju po më lëndoni”.
Pasi i nxorrën jashtë, të dy djemtë rezervuan një hotel në Portugali dhe më pas nisën fluturimin me një linjë tjetër ajrore.
Duke folur për “The Mirror” nga hoteli, ai tha: “Dora më dhemb, po më djeg këtë moment. Kyci im i këmbës është ndrydhur dhe qafa më është lënduar shumë.” Ndërkohë kompania ajrore nuk ka bërë ende asnjë reagim për këtë ngjarje.
