Kryetarja e LSI-së, Monika Kryemadhi përmes një videomesazhi në Facebook ka uruar shqiptarët për një vit plot shpresë, energji të re dhe shumë mundësi. Kryemadhi ka theksuar se viti 2020-ta ka qenë një luftë për të gjithë popullin shqiptarë, pasi covid-19 tregoi dobësinë e shtetit tonë. Ndër të tjera kryetarja e LSI-së theksoi se një Shqipëri më e mirë po vjen. Sipas saj, së bashku mund ta kthejmë Shqipërinë të ndihet sërish si një shtëpi dhe të mbyllim këtë kapitull tranzicioni.
Mesazhi i Kryemadhit: Përshëndetje të gjithëve! 2020-a ka qenë një luftë për të gjithë ne. Ndikimi i COVID-19 tregoi dobësinë e shtetit tonë. Ne pamë rritje të papunësisë, çmime të larta, më pak mundësi dhe më shumë shqiptarë që largohen nga vendi ynë.
Shumë shqiptarë po luftojnë për të mbijetuar. Uroj me zemër të gjithë shqiptarët e mi që 2021-i të sjellë shpresë të re, energji të re dhe më shumë mundësi. Kjo është arsyeja e angazhimit tonë, të rikthejmë shpresën në Shqipëri. Një Shqipëri më e mirë po vjen. Së bashku ne mund ta kthejmë Shqipërinë të ndihet sërish si një shtëpi dhe të mbyllim këtë kapitull tranzicioni. Gëzuar Vitin e Ri 2021. Zoti i bekoftë shqiptarët. Zoti e bekoftë Shqipërinë!
