Albi Bami, 27-vjeçari shqiptar i cili është kuruar ndaj Covid-19 në Gjermani, fiton betejën me virusin. Mediat e huaja shkruajnë se ai nuk ka pasur sëmundje të tjera, por i prekur nga Covid-19 gjendja e tij shëndetësore është rënduar.
Bami u transferua në spitalin “Winterberg”, në Gjermani ku edhe qëndroi për një muaj, ndërsa qëndroi për katër javë në terapinë e kujdesit intensiv. Nikolaus Graf, mjek i kujdesit intensiv, tha se 27-vjeçari kaloi një periudhë të rëndë të sëmundjes edhe pse një pacient i ri në moshë, shkruajnë mediat e huaja. “Tani fillon jeta ime e dytë. Tani dua si një foshnje të mësoj sa më shumë. Kujtoj që për shkak se gjendja ime shëndetësore u vështirësua prej koronavirusit, tashmë ndjehem edhe i dobët, duke ndjerë dobësi muskulore”, shprehet ai. /abcnews.al/
