Punëtorët e Uzinës së Ballshit kanë protestuar sot para Prefekturës së Fierit. Për ta, kjo është një situatë e përsëritur, ku nuk i kanë dhënë zgjidhje. Punëtorët të shqetësuar, janë shprehur se nuk ua kanë paguar sigurimet shoqërore prej 9 muajsh. Po kështu, nuk ia kanë dhënë pagat prej 3 muajsh.
“Kjo është një situatë e përsëritur. Nuk na i kanë paguar sigurimet shoqërore prej 9 muajsh, dhe nuk na kanë dhënë pagat prej 3 muajsh. Këtu kanë njerëz të sëmurë që shkojnë në spital, dhe paguajnë detyrimet se nuk janë paguar sigurimet shoqërore. Unë figuroj i punësuar fiktivisht dhe nuk mund të marrë as ndihmë sociale. Dikush duhet ta mbajë përgjegjësinë. Nëse duan ta mbyllin si uzinë, le ta mbyllin. Ne na mbahen librezat e punës atje, dhe në fakt nuk po marrin para. Sot ne jemi një pjesë. Por nesër në Tiranë ne do të jemi të gjithë. Ne kemi vendosur që nesër të shkojmë përballë Ministrisë së Energjetikës”, u shpreh një nga protestuesit.
