Tatimet: Detyrim ligjor mbi 82 mijë individë të dypunësuar dhe më shumë
30 Prilli ishte afati i fundit i vendosur nga Drejtoria e Përgjithshme e Tatimeve për Deklaratёn Individuale Vjetore tё tё Ardhurave pёr vitin 2021. Bazuar në të dhënat e këtij dikasteri janë 82,178 individë gjithsej të cilët duhet të deklarojnë të ardhurat personale.
Nga këta 13,521 individë duhet ta bëjnë deklarimin pasi kanë paga bruto vjetore mbi 2 milionë Lekë. Ndërsa 68,657 individë kanë detyrimin për të bërë deklarimin e të ardhurave pasi kanë qenë të dypunёsuar tё paktёn nё njё periudhe tё vitit, ku në total paga e kёsaj periudhe ishte më e lartë se 30,000 Lekë dhe në total paga bruto vjetore është më e ulët se 2 milionë Lekë.
Detyrimin për të dorëzuar Deklaratën Individuale Vjetore të të Ardhurave e kanë individët rezidentë brenda dhe jashtë Shqipërisë të cilët kanë realizuar të ardhura në shumën 2 milionë Lekë e më tepër, individët jo rezidentë, të cilët realizojnë të ardhura të tatueshme, me burim në Shqipëri në shumën 2 milionë Lekë e më tepër, si dhe individët të cilët janë të punësuar në më shumë se një punëdhënës, në një shumë të vetme.
Deklarata vjetore e të ardhurave mund të plotësohet online edhe nga persona të tjerë, pavarësisht se nuk kanë detyrimin ligjor për këtë, për arsye se duan të përfitojnë nga skema e shpenzimeve të zbritshme.
Pas përfundimit të afatit të vetëdeklarimit, Administrata Tatimore thekson se për personat që nuk kanë respektuar ligjin do të aplikohen masat administrative.
