Në 30 vjetorin e rikthimit të lirisë fetare, Presidenti i Republikës, Ilir Meta ka përkujtuar 2169 faltoret, pjesë e trashëgimisë kulturore dhe historike të vendit, që u shkatërruan nga barbaria e diktaturës komuniste si dhe dhjetra klerikë që u martirizuan, u burgosën dhe u internuan Meta është shprehur shumë i lumtur që në këtë vit jubilar të 30-vjetorit të rikthimit të lirisë fetare, ka marrë dje dhuratë një foto nga rihapja në 16 nëntor 1990, të Xhamisë së Plumbit në Shkodër.
“2169 faltore, pjesë e trashëgimisë kulturore dhe historike të vendit u shkatërruan nga barbaria e diktaturës komuniste. Dhjetra klerikë u martirizuan, u burgosën dhe u internuan”, është shprehur Meta. Por, ka shtuar ai, “siç me të drejtë thotë edhe Myftiu i Shkodrës, Imam Muhamed B. Sytari: “Gurët dhe muret i shembën, por shpirtrat jo”.
