31 dhjetori/ Sherr mes 6 anëtarëve të një familjeje shqiptare në Itali

Një situatë e pazakontë është regjistruar në Itali mbrëmjen e 31 dhjetorit, ku 6 anëtarë të një familjeje shqiptare janë grindur me njëri-tjetrin duke përfunduar në spital. Mediat italiane shkruajnë se personat po grindeshin me njëri-tjetrin në zonën e Piazza della Repubblica, teksa për të rikthyer qetësinë në zonë është dashur ndërhyrja e policisë. Motivi i këtij sherri dyshohet të ketë qenë një zënkë familjare, teksa janë dashur 5 ambulanca për t’i transportuar ata në spital. Sherri nisi vetëm gjysmë ore para ndërrimit të viteve, ndërsa midis këtyre personave ishte edhe një grua shtatzënë.