Një djalë katër vjeçar mund të ketë një të ardhme në Formula 1 pasi mori makinën e mamasë së tij për një xhiro në Holandë. Policia në qytetin qendror të Utrecht tha se fëmija u përplas me dy makina të parkuara të shtunën, përpara se të largohej nga vendi i ngjarjes me pizhame dhe këmbë zbathur.
Kalimtarët e shqetësuar thirrën policinë pasi e panë duke ecur i vetëm në rrugë në të ftohtë. Askush nuk u lëndua gjatë arratisjes së tij dhe policia tha me shaka se kishte zbuluar një “Maks Verstappen të ri”.
Policia tha se fëmija ishte zgjuar të shtunën kur babai i tij shkoi në punë dhe i kishte marrë çelësat e makinës së nënës së tij “për të shëtitur me makinë”.
Pas telefonatës për fëmijën në polici kishte mbërritur dhe një njoftim tjetër për një makinë të braktiisur e cila kishte goditur dy makina të parkuara.
Makina ishte në emër të mamasë së vogëlushit, ndërsa fëmija kishte imituar drejtimin e makinës dhe kishte bërë gjestin e rrotullimit të timonit dhe policia e kuptoi se fëmija kishte qenë shoferi.
Katër vjeçarit iu dha një çokollatë e nxehtë në komisariat dhe një arush pelushi, përpara se të ribashkohej me nënën e tij. Së bashku, ata shkuan në vendin e aksidentit, ku ai u pyet nëse mund të tregonte se si funksiononte makina. Fëmija hapi makinën me çelës, e ndezi dhe vuri këmbën në pedalen e gazit. Oficerët u kërkuan prindërve që të fshehin çelësat e makinës së tyre në të ardhmen, Burimi:bbc
