Së shpejti pritet që të rishikohet për herë të 5 buxheti i shtetit i vitit 2021. Dy do të jenë arsyet kryesore, dhënia e bonusit për pensionistët në vend, dhe së dyti është rishpërndarja e fondeve, ku pritet të rriten pagesat për projektet infrastrukturore rrugore dhe për infrastrukturën e ujit.
së shpejti pritet që të rishikohet për herë të 5 buxheti i shtetit i vitit 2021. Dy do të jenë arsyet kryesore, dhënia e bonusit për pensionistët në vend, dhe së dyti është rishpërndarja e fondeve, ku pritet të rriten pagesat për projektet infrastrukturore rrugore dhe për infrastrukturën e ujit.
Edhe këtë vit 668,890 pensionistë do të marrin shpërblimin për festat e fundvitit i kthyer traditë prej vitesh, por burime nga Ministria e Financave thotë se ende nuk është caktuar masa e shpërblimit që do të jepet.
Ndërsa sa i takon vitit të ardhshëm nuk do të jetë më dilema e masës së shpërblimit, pasi është e caktuar që në projektligjin fillestar të projektbuxhetit të vitit 2022.
Janë 3.5 miliardë lekë që janë përcaktuar në projektbuxhetin e 2022, për bonusin e pensionistëve, dhe praktikisht masa e shpërblimit do të jetë 5 mijë lekë për çdo qytetar. Po ashtu në relacionin e projektbuxhetit është saktësuar edhe masa për indeksimin e pensionit.
“Niveli i shpenzimeve për Skemën e Sigurimeve Shoqërore për vitin 2022, parashikohet në masën 148.9 miliardë lekë ose 8% e PBB. Nga ky fond, për indeksimin e pensioneve është parashikuar niveli prej 2.6 miliardë lekë dhe 3.5 miliardë lekë për bonusin e fundvitit për pensionistët”, thuhet në relacion.
Edhe pse në situatë të vështirë ekonomike prej pandemisë COVID-19, pensionistët e morën shpërblimin prej 5 mijë lekësh, me fond total 3.4 miliardë lekë.
