57 pasagjere,12 kamionë kanë mbërritur mëngjesin e kësaj të marte në portin e Vlorës me tragetin e linjës Vlorë-Brindisi. Shifrat janë të ulta referuar edhe situatës nga pandemia ,ndërkohë që një ditë më parë në drejtim të Italisë janë larguar 46 pasagjere. Aktualisht në portin e Vlorës do të operohet me vetëm një traget në drejtim të Italisë,deri në datën 23 shkurt,referuar edhe faktit se trageti tjetër që kryente këtë itenerar është larguar për të kryer remontin e detyrueshëm.
Nga autoritet portuale kanë konfirmuar se shifrat gjatë kesaj periudhës të numrit të pasagjerëve kanë qenë këto nivele, kjo edhe për shkak të kuzfizimit të lëvizjes për shkak të situatës nga Covid 19. Nga autoritetet portuale në Vlorë ,mësohet se edhe gjatë fundjavës është punuar vetëm një ditë,për shkak se dita e diel ka qenë pushim,por edhe për shkak të motit të keq .
Edhe gjatë fundjavës në Vlorë nga Italia kanë mbërritur rreth 60 pasagjerë,shifra këto që nuk kanë ndryshuar as këtë fillim jave. Trageti i linjës Vlorë-Brindisi do të largohet normalisht sipas itenerarit të martën në mbrëmje nga Vlora,ndërsa do të rikthehet në port vetëm të enjten në mëngjes sipas programit të parashikuar.
