Një ngjarje e rëndë u shënua në Britani. Një nënë 47-vjeçare priti ambulancën për 6 orë, e shtrirë në trotuar dhe në mes të të ftohtit. Donna Gilby nga Britania kishte dalë nga shtëpia që në orën tetë të mëngjesit për të lënë takimin me një mjek, por ajo rrëshqiti dhe theu këmbën.
Ambulanca u vonua për 6 orë dhe ajo qëndroi e shtrirë në trotuarin e ngrirë nga akulli. Më pas, 47-vjeçarja ndërroi jetë në spital, si pasojë e një ataku në zemër. Familja e saj ka publikuar foton e gruas të shtrirë përtokë dhe mbuluar me batanije. Britanikët ankohen shpesh për sistemin shëndetësor dhe ky nuk është rasti i vetëm.
