Kjo përzgjedhje është bërë nga kompania britanike ‘Economist Inteligence Unit’. Për të përzgjedhur këtë qytetin më të mirë kriteret ishin infrastruktura, transporti publik, sistemi shëndetësor, kultura. Për dy vite me rresht një qytet është përzgjedhur si qyteti më i mirë për të jetuar, Vjena, kryeqyteti austriak. Po ashtu Australia dhe Kanadaja renditen mjaft lart pasi përfaqësohet me dy qytete në këtë listë.
Vjena i fitoi 99.1 pikë në bazë të shëndetësisë së mirë, infrastrukturës, kulturës, edukimit stabilitetit dhe mbrojtjes së ambientit. Një qytetet i rregulluar, me një arkitekturë e bukur, e me llojllojshmëri të përzgjedhjes për shumë afinitete gjithsesi e meriton të jetë në maje të listës.
Melbourne ishte jo shumë larg Vjenës me 98.5 pikë. Për ata të cilët shëndetësia e infrastruktura janë shumë të rëndësishme, ky është qyteti për ta. Një qytet i rregulluar me përpikëri e pikërisht pikët më të shumta i mblodhi në këtë kategori. Kriteret tjera ishin lartë po ashtu.
Sidney, qyteti i dytë australian në listë e gjendet i treti e jo shumë larg të parit sipas klasifikimit britanik, një pikë. Ky qytet është i mirë në çdo kategori por veçohet për mbrojtjen e ambientit jetësor.
Osaka në Japoni mahnitë çdo vizitorë me mikpritjen e dashamirësinë e banorëve japonezë. Nga të gjithë qytetet, këtu banorët gëzojnë edukimin më të mire, shëndetësinë dhe stabilitetin.
Calgary në Kanada është më i miri e në botë i pesti sipas britanikëve. Ky është qyteti i të rinjve, jeta e natës por edhe oferta kulturore është diçka që e bën joshës. Sistemi i edukimit dhe shëndetësia e rregulluar e bëjnë të veçantë po ashtu.
Vancouver si qytet është më i shumëllojshmi sa i përket kulturës në Kanada, e i gjashti në këtë listë si vend ideal për të jetuar, e veçanta e tij janë manifestimet e shumëllojshme e të shumta atje.
