Një aksident i trishtë ndodhi një ditë më parë në Shëngjin ku furgoni përplasi pë vdekje një 6-vjeçar teksa iu iku prindërve nga duart. Ndërkohë e ëma e tij ka bërë një dedikim prekës në rrjetet sociale.
Postimi i plotë: O Shpirt, o zemer, o jeta mamit! Ti ma vrave shpirtin o zemer, pse ike ngele vetem o shpirt, pse nuk vdiqem te gjith me ty pse, o i bukuri im a po te mungoj mami ty, si do fle un pa ty………… o Zot me vdis dhe mua o zot
Kujtojmë se ngjarja e rëndë ndodhi mëngjesin e ditës së djeshme rreth orës 08.45, në qendër të qytetit të Shëngjinit. 6-vjeçari ka qenë i shoqëruar nga prindërit e tij, dhe u është shkëputur në momentin që po kalonin rrugën, duke u përplasur më pas nga furgoni. Fëmija së bashku me familjen e tij, janë me origjinë nga Burreli, por me banim në Londër. Ata kishin ardhur në Shqipëri për të kaluar pushimet e tyre, por që fatkeqësisht përfunduan në mënyrë tragjike.
