Është zbardhur dëshmia e autorit të vrasjes së kreut të njësisë administrative në Selenicë të Vlorës. Ai ka deklaruar në polici se kishte qenë i dehur kur ndodhi ngjarja.
“Nuk më kujtohet se çfarë ka ndodhur dhe çfarë kam bërë, isha i dehur”, mësohet të ketë deklaruar ai në polici.
Ndersa një dëshmitar tha për policinë se debati mes autorit dhe kreut të njësisë administrative nisi për çështje politike. Fax Neës më herët raportoi se Admir Delaj njihet si militant i PS-ës në zonë, ndaj edhe ka dyshime për konflikte me baza politike.
Autori kishte pak vite që ishte kthyer nga Italia, dhe zotëronte një biznes bar-lokal në Vlorë.
Kryetari i Njësisë Aministrativë të fshatit Kotë në Selenicë, Fatmir Hodo u vra me armë gjahu çifte jashtë një lokali në fshat. Autori ka qenë duke pirë kafe jashtë lokalit, është futur brenda dhe ka debatuar me viktimën, më pas kanë dalë të dy jashtë dhe autori e ka qëlluar dy herë.
Fatmir Hodo, ish-kryetar i komunës Kotë, ishte administrator i kësaj njësie me Partinë Demokratike.
